1 Peter 4
1ដូច្នេះដោយព្រះគ្រិស្ដបានរងទុក្ខខាងសាច់ឈាមរួចហើយនោះអ្នករាល់គ្នាក៏ត្រូវពាក់គ្រឿងសឹកផ្ទាល់ទាំងមានគំនិតដូច្នោះដែរព្រោះអ្នកដែលបានរងទុក្ខខាងសាច់ឈាមអ្នកនោះឈប់ពាក់ព័ន្ធនឹងបាបទៀតហើយ 2ដើម្បីឲ្យអំឡុងពេលរស់នៅខាងសាច់ឈាមដែលនៅសល់នេះលែងរស់នៅតាមសេចក្ដីប៉ងប្រាថ្នារបស់មនុស្សទៀតប៉ុន្ដែរស់នៅតាមបំណងរបស់ព្រះជាម្ចាស់វិញ។ 3រយៈពេលកន្លងមកដែលអ្នករាល់គ្នាបានប្រព្រឹត្ដតាមបំណងរបស់សាសន៍ដទៃគឺបណ្ដោយតាមការល្មោភកាមសេចក្ដីប៉ងប្រាថ្នាអាក្រក់ប្រមឹកស៊ីផឹកអ៊ូអែប្រកួតគ្នាផឹកនិងថ្វាយបង្គំរូបព្រះដែលគួរឲ្យស្អប់នោះល្មមហើយ។ 4ពួកគេងឿងឆ្ងល់ដែលអ្នករាល់គ្នាមិនរត់តាមសេចក្ដីខិលខូចហួសហេតុដូចពួកគេដូច្នេះក៏និយាយប្រមាថអ្នករាល់គ្នា 5ប៉ុន្ដែពួកគេនឹងត្រូវរាយរាប់ប្រាប់ព្រះមួយអង្គដែលបានត្រៀមជំនុំជម្រះទាំងមនុស្សរស់និងមនុស្សស្លាប់។ 6ហេតុនេះហើយបានជាដំណឹងល្អត្រូវបានប្រកាសប្រាប់មនុស្សស្លាប់ដែរដើម្បីឲ្យគេជាប់ជំនុំជម្រះដូចមនុស្សខាងឯសាច់ឈាមប៉ុន្ដែឲ្យគេមានជីវិតខាងឯវិញ្ញាណដូចព្រះជាម្ចាស់វិញ។ 7ឥឡូវនេះទីបញ្ចប់នៃអ្វីៗទាំងអស់ជិតមកដល់ហើយដូច្នេះចូរមានគំនិតត្រឹមត្រូវហើយកុំភ្លេចខ្លួននឹងអធិស្ឋានឡើយ។ 8មុនដំបូងបង្អស់ចូរឲ្យអ្នករាល់គ្នាស្រលាញ់គ្នាទៅវិញទៅមកយ៉ាងអស់ពីចិត្ដព្រោះសេចក្ដីស្រលាញ់គ្របបាំងបាបដ៏ច្រើនសន្ធឹក។ 9ចូរចេះរាក់ទាក់គ្នាទៅវិញទៅមកដោយឥតត្អូញត្អែរឡើយ 10ចូរបម្រើគ្នាទៅវិញទៅមកទៅតាមអំណោយទានដែលម្នាក់ៗបានទទួលទុកជាអ្នកមើលការខុសត្រូវដ៏ល្អលើព្រះគុណផ្សេងៗរបស់ព្រះជាម្ចាស់។ 11បើអ្នកណានិយាយចូរនិយាយដូចជាកំពុងនិយាយព្រះបន្ទូលរបស់ព្រះជាម្ចាស់បើអ្នកណាបម្រើចូរបម្រើតាមកម្លាំងដែលព្រះជាម្ចាស់ផ្គត់ផ្គង់ឲ្យដើម្បីឲ្យព្រះជាម្ចាស់បានតម្កើងឡើងក្នុងគ្រប់ការទាំងអស់តាមរយៈព្រះយេស៊ូគ្រិស្ដសូមឲ្យព្រះអង្គមានសិរីរុងរឿងនិងព្រះចេស្ដាអស់កល្បជានិច្ចអាម៉ែន។ 12បងប្អូនជាទីស្រលាញ់អើយ! ចូរអ្នករាល់គ្នាកុំប្លែកចិត្ដនឹងសេចក្ដីល្បួងដ៏ឈឺចាប់ដែលកំពុងកើតមានក្នុងចំណោមអ្នករាល់គ្នាដើម្បីល្បងលនោះប្រៀបដូចជារឿងចម្លែកមួយកើតឡើងចំពោះអ្នករាល់គ្នាឡើយ 13ផ្ទុយទៅវិញចូរមានអំណរពីព្រោះអ្នករាល់គ្នាមានចំណែកក្នុងការរងទុក្ខរបស់ព្រះគ្រិស្ដដើម្បីឲ្យអ្នករាល់គ្នាមានអំណរហើយរីករាយជាខ្លាំងនៅពេលព្រះអង្គបង្ហាញសិរីរុងរឿងរបស់ព្រះអង្គ។ 14បើអ្នករាល់គ្នាត្រូវគេដៀលត្មះដោយព្រោះព្រះនាមរបស់ព្រះគ្រិស្ដនោះអ្នករាល់គ្នាមានពរហើយព្រោះព្រះវិញ្ញាណប្រកបដោយសិរីរុងរឿងដែលជាព្រះវិញ្ញាណរបស់ព្រះជាម្ចាស់សណ្ឋិតលើអ្នករាល់គ្នា។ 15ដូច្នេះកុំឲ្យមានអ្នកណាម្នាក់ក្នុងចំណោមអ្នករាល់គ្នាត្រូវរងទុក្ខដោយព្រោះតែជាឃាតករជាចោរជាអ្នកប្រព្រឹត្ដអាក្រក់ឬជាអ្នកជ្រៀតជ្រែកបញ្ហារបស់អ្នកដទៃឡើយ 16ប៉ុន្ដែបើត្រូវរងទុក្ខដោយព្រោះតែជាគ្រិស្ដបរិស័ទនោះចូរកុំខ្មាស់ឡើយផ្ទុយទៅវិញចូរសរសើរតម្កើងព្រះជាម្ចាស់ដោយព្រោះតែឈ្មោះនេះចុះ 17ដ្បិតពេលវេលាជំនុំជម្រះត្រូវចាប់ផ្ដើមពីដំណាក់របស់ព្រះជាម្ចាស់ហើយបើការជំនុំជម្រះចាប់ផ្ដើមពីយើងមុនគេនោះតើទីបញ្ចប់របស់ពួកអ្នកមិនជឿដំណឹងល្អរបស់ព្រះជាម្ចាស់ទៅជាយ៉ាងណាវិញ? 18បើមនុស្សសុចរិតទទួលបានសេចក្ដីសង្គ្រោះដោយពិបាកទៅហើយតើពួកអ្នកមិនគោរពកោតខ្លាចព្រះជាម្ចាស់និងពួកមនុស្សបាបនឹងលេចមកនៅកន្លែងណា? 19ដូច្នេះអ្នកដែលរងទុក្ខតាមបំណងរបស់ព្រះជាម្ចាស់ត្រូវប្រគល់ព្រលឹងរបស់ខ្លួនទុកនឹងព្រះដ៏ស្មោះត្រង់ដែលបង្កើតអ្វីៗទាំងអស់ទាំងប្រព្រឹត្ដការល្អចុះ។
Copyright information for
KhmKCB